Kreu i KQZ-së: Vetëm LSI-ja ka dorëzuar listë të saktë për 25 prillin

Kreu i KQZ-së, Ilirjan Celibashi thotë se vetëm LSI-ja ka dorëzuar listë të saktë për 25 prillin, në një kohë që sot KQZ-ja i ka kthyer listat disa partive politike, përfshirë PS dhe PD-në.

”I kemi kthyer të gjitha listat e partive për plotësim dokumentacioni në përjashtim të Lëvizjes Socialiste për Integrim që rezulton që të paktën në pikëpamjet formale e ka sjell dokumentacionin në rregull”, u shpreh kreu i KQZ-së.

Në këto dokumente bën pjesë dhe formulari dekriminalizimit, CV dhe disa deklarime dhe dokumentacione të tjera që sipas KQZ duhet t’i bashkëngjiten dokumenteve të kandidimit.