Kreu i Shtetit: Vendi është në udhëkryq, vota është gjëja më e shenjtë

Presidenti i Republikës, Ilir Meta ka folur nga Shkodra për zgjedhjet e 25 prillit. Kreu i Shtetit thotë se në krye të marshimit do të jetë pikërisht kryeqendra e veriut për të cilën shprehet se ka qenë dhe është frymëzim për demokracinë edhe në kohët më të errëta.

“Me shinat e Kushtetutës, dhe të demokracisë. Në themel të Kushtetutën janë zgjedhjt e lira dh vota e lirë dhe e barabartë e çdo qytetari. Jam i bindur se Shkodër do jetë në krye të marshimit, ka qenë frymëzimi për demokracinë edhe në kohët më të errëta.

Jam i sigurt edhe më shumë. Duket bërë çdo gjë, për suksesin e demokracisë, për zgjedhjet e lira, ne nderojmë jo vetëm sakrificat e martirëve të 2 prillit, por edhe të gjithë atyre që në emër të fjalës së lirë, demokracisë, lirisë së besimit u martirizuan”, u shpreh Presidenti Meta në një prononcim për gazetarët.