Kriza në PD, Patozi: Zgjidhej me gjykatë ose vetëgjyqësi

Ish-nënkryetari i Partisë Demokratike, Astrit Patozi thotë se fakti që dy fraksionet e PD-së kanë përfunduar në gjykatë, nuk është lajm i keq.

“Gjykata ose vetëgjyqësia ishin rrugët e vetme. Kemi të bëjmë me dy formacione politike të ndryshme dhe si të tilla, ndarja është e pashmangshme. Por, ndarja nuk është fundi i botës.

Antagonizmi i dy palëve ka arritur pika groteske. Po t’i dëgjosh, sot kanë shkuar aq larg sa nuk do të çuditesha po të bënin njëri-tjetrin edhe vrasës të Avni Rustemit.

Kemi dëgjuar që Basha ka shitur detin, që Berisha ka rrahur ish-krerët e PD-së, që Berisha është ish-komunist i pandreqshëm. Këtu kemi të bëjmë me degradim. Po degradon një politikë arkaike që nuk ka asnjë raport me të vërtetën”, tha në ”A2cnn”.