Kriza/ Sekretari i OSBE: Mund të lehtësojmë dialogun, por nuk marrim vendime politike

Sekretari i Përgjithshëm i OSBE, Thomas Greminger thotë se OSBE mund të lehtësojë dialogun për zgjidhjen e krizës politike.

Në një konferencë me ministrin në detyrë të punëve të Jashtme, Greminger se ajo që nuk mund të bëjë OSBE është të marrë vendime politike.

“U kam thënë të gjitha bashkëbiseduesve tw mi se çfarë OSBE mund dhe nuk mund të bëjë.  OSBE në thelb mund të bëjë tre gjëra. Ne mund të sjellim ekspertizë teknike, së dyti tu kujtojmë shteteve anëtare të OSBE angazhimet që kanë shtetet pjesëmarrëse dhe së treti të lehtësojmë dialogun. Këtë mund të bëjmë. Ajo që nuk mund të bëjmë është të marrim vendime politike. Shpresojmë që rekomandimet e ODIHR po merren seriozisht”, u shpreh Sekretari i Përgjithshëm i OSBE, Thomas Greminger.