Kryemadhi: Tashmë verdikti qytetar është marrë. Më 25 Prill, uragani i votave shkul njëherë e mirë Rilindjen nga vendi

Kryetarja e Lëvizjes Socialiste për Integrim, Monika Kryemadhi, deklaron se tashmë verdikti qytetar është marrë dhe më 25 Prill, uragani i votave për ndryshim, shkul njëherë e mirë Rilindjen nga vendi.

“Ndryshimin e 25 Prillit e presin me padurim edhe qytetarët e Topojës së Fierit.

Tashmë verdikti qytetar është marrë.

Më 25 Prill, uragani i votave për ndryshim, shkul njëherë e mirë Rilindjen nga vendi, për t’i dhënë jetë Shqipërisë së të rinjve, të familjeve të thjeshta dhe njerëzve punëtorë, të cilëve me LSI në qeverisje do t’u garantohet punësim i mirëpaguar, arsimim cilësor, taksa të ulëta dhe shanse të barabarta për një jetë më të mirë”, shprehet Kryemadhi.