Kryemadhi: T’i japim brezit të ri të Shqipërisë mundësinë për të krijuar të ardhmen e tyre

Një ditë më parë kryetarja e Lëvizjes Socialiste për Integrim, Monika Kryemadhi ishte e ftuar në emisionin “Ndryshe” në Top Albania Radio, ku ka komentuar sondazhet e fundit për zgjedhjet e 25 prillit.

Duke publikuar videon e plotë të intervistës në fjalë, në komentin bashkëngjitur, Kryemadhi shprehet sot se duhet t’i japim brezit të ri të Shqipërisë mundësinë për të krijuar të ardhmen e tyre.

“Ne duhet t’i japim brezit të ri të Shqipërisë mundësinë për të krijuar të ardhmen e tyre.

Direktiva ime e vetme është të mbështesim gjeneratën e re, t’u japim atyre mundësi dhe shpresë.

Për të krijuar një mjedis ku rinia e sheh Shqipërinë si shtëpi për të ndërtuar të ardhmen”, shprehet kryetarja e LSI-së, Monika Kryemadhi në mesazhin e saj të përcjellë përmes rrjeteve sociale.