Kryeministri grek i dërgon mesazh Ramës për negociatat dhe i kujton ndihmat për tërmetin

Kryeministri i Greqisë Kyriakos Mitsotakis ritheksoi dhe njëherë se parakusht për integrimin e Shqipërisë në Bashkimin Europian është minoriteti dhe respektimi i të drejtave. “Ne nuk duam që të mbyllen dyert e BE-së, por posaçërisht për Shqipërinë ka parakushte për respektimin e pakicës greke” tha ai.

Ai madje i dërgoi një mesazh kryeministrit shqiptar Edi Rama “Mesazhi është që ne ju mbështesim por nuk mund të pranojmë që të drejtat e pakicës greke të mos mbrohen“. Kyriakos Mitsotakis vijoi më tej duke treguar forcën ekonomike greke ne rajon.

“Kur tërmeti goditi Shqipërinë kohët e fundit, ne ishim të parët që nxituam për të ndihmuar. Ne jemi ekonomia më e madhe dhe më e vjetër në rajon. Për dhjetë vjet kemi pasur probleme, por po rikuperojmë” përfundoi ai.