Kryeministri italian nesër në Tiranë, axhenda e plotë

Kryeministri italian Matteo Renzi viziton nesër Shqipërinë në ditët e fundit që Italia ka në drejtimin e BE-së.

Kryeministri Renzi ishte ftuar disa muaj më parë nga Rama për një vizitë ndërsa u konfirmua data 30 dhjetor.

Gjatë vizitës në Tiranë, kryeministri i Italisë do të zhvillojë takim me homologun Edi Rama, presidentin Bujar Nishani dhe kryeparlamentin, Ilir Meta.

Axhenda e Kryeministrit të Italisë:

Nesër, e martë, 30 dhjetor 2014, Kryeministrit të Italisë, Matteo Renzi zhvillon një vizitë zyrtare njëditore në Tiranë.

Në ora 13:35 do të zhvillohet ceremonia e mirëseardhjes, përpara godinës së Kryeministrisë.

Në orën 13.50 – 14.40 takimi ndërmjet dy delegacioneve, kryesuar nga dy Kryeministrat.

Në orën 14.45 konferenca e përbashkët për shtyp, e Kryeministrit Rama dhe Kryeministrit Renzi.

Në orën 15.10 Kryeministrit Renzi do të takohet me Kryetarin e Parlamentit Ilir Meta.

Në orën 15.40 Kryeministrit Renzi do të takohet me Presidentin e Republikës Bujar Nishani.