Kryeministri Kurti: “Në projektin për ndarjen e Kosovës janë dy presidentët e Kosovës dhe Serbisë”

Kryeministri në detyrë i Kosovës, Albin Kurti ishte i ftuari i parë në emisionin “Çim Peka LIVE” në Syri Televizion.
Gjatë intervistës së tij lideri i Vetëvendosjes është shprehur se sa i përket krizës politike në vend, Kurti deklaroi se, ish ministri i brendshëm Agim Veliu u shkarkua pasi ishte pjesë e planit për copëtimin e Kosovës.

“Në projektin për ndarjen e Kosovës janë dy presidentët e Kosovës dhe Serbisë. Në këtë projekt ndodhej ish minsitri i brendshëm që shkarkova. Nuk është më çështje shkarkimi i një ministri, ai ishte plan. Ky plan ka dy faza; shpallja e ngjarjes së jashtëzakonshme dhe ndarja e Kosovës.

“Unë i kam bërë disa pyetje presidentit që nuk është më përgjigjur. Ai refuzon të flasë me mua por më thotë “të më çojë një emër”. Duhet të përgjigjet paraprakisht për pyetjet e mia”, u shpreh Kurti.

Nëse presidenti vazhdon të tentojë një qeveri të re, çfarë do bëjë Albin Kurti?

“Ai nuk është president me kompetenca për krijimin e një qeverie. Nëse nuk ia kam dërguar emrin në letrën e parë pse vazhdon të dërgojë letra. I kanë ngelur edhe pak muaj e do të merret me politikë. Të lerë postin e të futet në garë zgjedhore. Mos të kalojë kompetencat duke shkelur postin”, tha Kurti.

“Presidenti do një kryeministër tjetër që të shpallë gjendjen e jashtëzakonshme e të marrë ushtrinë në dorë e të kthehet te projekti për ndarjen e Kosovës, që përshpejton anëtarësimin e Serbisë në BE. Ai do të jetë sa më larg gjykatës speciale ndaj po punon për Serbinë. Ky është një vit i rëndësishëm për Kosovën dhe Ballkanin në tërësi”, shtoi Albin Kurti.