Kryeministri nxjerr pamjet nga transformimi i Arkivës Qendrore të Drejtorisë së Përgjithshme të Transportit Rrugor (FOTO)

Arkiva Qendrore e Drejtorisë së Përgjithshme të Shërbimeve të Transportit Rrugor tashmë ka një godinë të re, të ndërtuar për t’iu përshtatur numrit në rritje të dosjeve dhe për t’i ruajtur ato në kushte të përshtatshme.

Kryeministri Edi Rama ka postuar disa foto para dhe pas punimeve. Ndërtesa, ku më parë dokumentet ruheshin jashtë çdo standardi në godinën e amortizuar, sot ka një pamje krejt tjetër.

Ndërtimi i objektit të ri nisi në vitin 2020, pasi ruajtja e dokumentacionit të Drejtorisë së Përgjithshme të Shërbimeve të Transportit Rrugor ishte shqetësim i madh, për shkak të shtimit të numrit të dosjeve dhe materialeve të tjera shkresore që duheshin trajtuar në arkivën përkatëse.

“Mirëmëngjes, dhe me fotoalbumin e kantierit të Arkivës Qendrore të Drejtorisë së Përgjithshme të Shërbimeve të Transportit Rrugor, ku mund të shihet kollaj fare nga vijmë e ku duam të shkojmë, ju uroj një ditë të mbarë”, shkruan Rama krahas pamjeve të publikuara në rrjeti social “Facebook”.