Kryeministri promovon turizmin vendas: Një tjetër bujtinë e bukur gati të hapë dyert në Berat

Një bujtinë është gati të hapë dyert së shpejti në Berat për të mikpritur vizitorët. Kryeministri Edi Rama ka shpërndarë në rrjetin e tij social “Facebook” pamje nga bujtina, e cila ndodhet vetëm 10 km nga qyteti, në fshatin Fushë-Peshtan.

Postimi i plotë i Ramës në Facebook: 

Një tjetër bujtinë e bukur gati të hapë dyert së shpejti në Beratin 2-mijëvjeçar. Vetëm 10 km nga qyteti, në fshatin Fushë Peshtan, ndodhet “Kantina Pupa”, deri dje një biznes i vogël familjar, i cili me ndihmën e qeverisë përmes AZHBR, sot është zgjeruar me 20 hektar vreshta rrush autokton, 1000 rrënjë ullinj, 2 salla degustimi vere dhe 15 dhoma në funksion të agroturizmit të zonës.