Kryeministri Rama: Rritje page deri në 40 % për të gjithë mësuesit gjatë mandatit të tretë

Kryeministri Edi Rama në prezantimin e projektbuxhetit në arsim për vitin 2022 theksoi se projeksioni i mandatit të tretë qeverisës është që pagat të rriten pa diskutim edhe 32%, por mundësisht të realizojmë objektivin e rritjes 40% të tyre.

“Dua të theksoj se së pari në projekt/buxhetin e 2022 vijon rritja e pagave për të gjithë mësuesit. Projeksioni i yni i mandatit të tretë është që pagat të rriten pa diskutim edhe 32%, por mundësisht të realizojmë objektivin e rritjes 40% të tyre. Tanimë jemi të vetëdijshëm se sa shumë ndikojnë në jetën tonë dhe në planet tona, ngjarje, që imponojnë ndryshim rrënjësor të tyre. Patëm një tërmet jashtëzakonisht të fortë në aspektin e impaktit të familjeve të prekura dhe për buxhetin e vendit. Jemi ende në kushtet e një pandemie që pati dhe ka akoma ndikimi, por ne do të vazhdojmë të synojmë objektivat maksimale”, tha Rama.

Pas premtimit për rritjenn e pagave të policisë dhe ushtrisë sot vjen premtimi tjetër.

Me sa duket thesi u hap dhe priten që njerëzit të mbushin xhepat, natyrisht kush është në punë.