Kryenegociatori i Shqipërisë për integrimin në BE: Jemi në prag të çeljes së negociatave

Kryenegociatori i Shqipërisë me Bashkimin Europian, Zef Mazi ka zbardhur detaje nga takimi që zhvilloi sot kryeministri Edi Rama me Komisioneren e BE-së, Ylva Johansson.

Në një konferencë të përbashkët për mediat, me komisioneren Johansson, Zef Mazi tha se Shqipëria është në prag të çeljes se negociatave.

“Shqipëria është në prag të anëtarësimit në BE. Kryeministri Edi Rama priti ne takim komisioneren e BE-së. Çështjet që diskutuan kryeministri dhe komisionerja, ishte fakti se Shqipëria ka kontribut në sigurinë e përbashkët europiane”, tha Mazi.