Kryeparlamentarja Nikolla: Mbretëresha Elisabeta II, simbol i stabilitetit në botë për 7 dekada

Kryetarja e Kuvendit, Lindita Nikolla ka shprehur ngushëllimet për ndarjen nga jeta të Mbretëreshës Elisabeta II. Në mesazhin e saj, Nikolla e cilëson Mbretëreshën që u shua në moshën 96-vjepare, si simbol të stabilitetit në botë dhe që e ndihmoi vendin e saj në ndryshimet e mëdha përgjatë shtatë dekadave.

“Ndarja nga jeta e Madhërisë së Saj, Mbretëreshës Elisabeta II, është një lajm i trishtuar jo vetëm për popullin e Mbretërisë së Bashkuar, por për gjithë njerëzimin. Një jetë e tërë në shërbim të kombit, të shtetit dhe qytetarëve!

Mbretëresha Elisabeta II, përbashkuesja e kombit, e pranuar gjerësisht si simbol i stabilitetit të Mbretërisë së Bashkuar dhe botës, e ndihmoi vendin e saj në ndryshimet e mëdha përgjatë shtatë dekadave, për forcimin e identitetit kombëtar, rritjen e ndikimit gjeopolitik dhe të pozitës ndërkombëtare.

Pushofshi në paqe, Madhëria Juaj”.