Kryeparlamentarja Nikolla: Takim mbresëlënës me përfaqësues të komunitetit shqiptar në Toronto

Kryeparlamentarja Lindita Nikolla dhe delegacioni shqiptar, vijon vizitën në Kanada. Këtë herë ata janë takuar me përfaqësues të komunitetit shqiptar në Toronto. ”Është një konfirmim i kontributit ekonomik, shoqëror dhe kulturor të diasporës shpallja me ligj nga Asambleja Legjislative e Ontarios e muajit nëntor si muaji i trashëgimisë kulturore shqiptare në Ontario”,-shkruan Nikolla.

Postimi i plotë

Një takim mbresëlënës me përfaqësues të komunitetit shqiptar në Toronto, Kanada.

Mirënjohje Shoqatës Bashkësia Shqiptaro-Kanadeze, Shoqatës Shqiptaro-Kanadeze të Ekselencës, Shoqatës Shqiptaro-Kanadeze të Avokatëve, dhe Fondacionit të Bursave RH për punën e shkëlqyer për ruajtjen e vlerava kombëtare e komunitare, promovimin e talenteve në Diasporë, bashkëpunimin me institucionet kanadeze dhe lidhjet e fuqishme me Shqipërinë.

Është një konfirmim i kontributit ekonomik, shoqëror dhe kulturor të diasporës shpallja me ligj nga Asambleja Legjislative e Ontarios e muajit nëntor si muaji i trashëgimisë kulturore shqiptare në Ontario.