Kryeparlamentarja Spiropali pret ambasadorin Durmishi: Shqipëria, zë i fortë për Kosovën në arenën ndërkombëtare

Kryetarja e Kuvendit, Elisa Spiropali ka pritur këtë të premte në ambientet e Kuvendit ambasadorin e Kosovës, Skënder Durmishi. Në këtë takim u diskutua për Kosovën si një prioritet kombëtar për Shqipërinë, si dhe për bashkëpunimin e ngushtë dhe të vazhdueshëm mes Kuvendit të Shqipërisë dhe atij të Kosovës. Gjithashtu në takim u theksua roli i Shqipërisë si një zë i fuqishëm në mbrojtje të interesave të Kosovës në arenën ndërkombëtare, si dhe rëndësia e kontributit të përbashkët të të dy kuvendeve në proceset integruese euroatlantike.