Kryeparlamentarja Spiropali pret në takim Nancy VanHorn. Nga partneriteti strategjik, investimet amerikane tek drejtësia

Kryetarja e Kuvendit, Elisa Spiropali është takuar këtë të hënë me të ngarkuarën me Punë të Ambasadës së ShBA, Nancy VanHorn. Në njoftimin e Kuvendit, theksohet se në këtë takim është diskutuar mbi partneritetin strategjik mes Shqipërisë dhe SHBA, zgjerimin e bashkëpunimit ekonomik dhe të investimeve amerikane në Shqipëri, rolin e Kuvendit në thellimin e reformave, sidomos reformës në drejtësi dhe forcimin e shtetit të së drejtës, avancimin e procesit të anëtarësimit në BE, fuqizimin e institucioneve të pavarura, bashkëpunimin me shoqërinë civile dhe qytetarët.

“VanHorn e uroi Kryetaren Spiropali me rastin e zgjedhjes Kryetare e Kuvendit dhe shprehu gatishmërinë për vazhdimin e bashkëpunimit të suksesshëm midis Kuvendit dhe Ambasadës së ShBA, për mbështetjen e zhvillimit, demokratizimit, konsolidimit të institucioneve dhe integrimit euro-atlantik të Shqipërisë.

Kryetarja Spiropali uroi të Ngarkuarën me Punë, Van Horn, për misionin e saj në Shqipëri dhe e njohu me disa nga prioritetet e punës së Kuvendit dhe të sesionit të ri parlamentar. Kryetarja Spiropali nënvizoi se në detyrën e Kryetares së Kuvendit do të udhëhiqet nga Kushtetuta, ligjet, përpjekjet maksimale për konsensus, racionalitet, konstruktivitet dhe transparencë, duke bashkëpunuar ngushtë me të gjitha grupet parlamentare dhe opozitën.

Kryetarja e Kuvendit, Elisa Spiropali, dhe e Ngarkuara me Punë, Nancy VanHorn diskutuan edhe mbi partneritetin strategjik mes Shqipërisë dhe SHBA, zgjerimin e bashkëpunimit ekonomik dhe të investimeve amerikane në Shqipëri, rolin e Kuvendit në thellimin e reformave, sidomos reformës në drejtësi dhe forcimin e shtetit të së drejtës, avancimin e procesit të anëtarësimit në BE, fuqizimin e institucioneve të pavarura, bashkëpunimin me shoqërinë civile dhe qytetarët”, thuhet në njoftim.