Kryetarja e Dhomës së Deputetëve të Italisë, Laura Boldrini vizitonTiranën

Me ftesë të Kryetarit të Kuvendit të Shqipërisë, Ilir Meta, vjen për një vizitë dyditore në vendin tonë, Kryetarja e Dhomës së Deputetëve të Italisë,  Laura Boldrini.

Më datën 13 tetor 2016, ora 09:30 të dy homologët do të zhvillojnë një takim në ambientet e Kryesisë së Kuvendit (kati i tretë) dhe më pas do të mbajnë dhe një konferencë të përbashkët për shtyp.

Kryetarja e Dhomës së Deputetëve të Italisë,  Laura Boldrini rreth orës 13.00 do të mbajë një fjalë përshëndetëse në seancën plenare.

Gjatë kësaj vizite, znj. Boldrini do të takohet edhe me përfaqësues të lartë të shtetit shqiptar.

Kështu në orën, 17:30, Ministri i Punëve të Jashtme Ditmir Bushati do të presë në MPJ Kryetaren e Dhomës së Deputetëve të Republikës së Italisë,  Laura Boldrini.