Kukësi “Nder i Kombit” për humanizmin

Presidenti i Republikës së Shqipërisë, Z.Bujar Nishani në një takim gjatë ditës së sotme në pallatin e kulturës i dha qytetit të Kukësit dekoratën “Nder i Kombit”. Ky çmim shkon për solidaritetin, mikpritjen e rrallë dhe humanizmin e pashoq të treguar ndaj motrave e vëllezërve shqiptarë nga Kosova, gjatë shpërnguljes së tyre masive me dhunë nga makineria ushtarake e Millosheviçit në vitin 1999.

Pas 17 vitesh në Kukës për të përkujtuar Eksodin e Kosovarëve të viti 99, ka pasur aktivimeve të shumta. Aktivitetet kanë nisur që nga shfaqja “Apologjia e Sokratit” nga Mirush Kabashi, Konferencë Shkencore dhe një koncert në qendër të qytetit.

Duhet kujtuar se në vitin 2000, Kukësi u kandidua për çmimin Nobel për paqe për faktin se priti rreth 450 mijë shqiptarë të Kosovës, të dëbuar nga trojet e tyre. Në këtë mënyrë Kukësi u bë qyteti i parë në botë i kandiduar për një çmim të tillë, për mikpritjen dhe bujarinë ndaj popullit kosovar.

R.Sh