Kulluri: Kreu i PD kërkon negociatë për të ikur! Përmeti: Berisha triumfon

Situata në PD është veç në një këndvështrim, ”beteja” me kreut Lulzim Basha me liderin historik të demokratëve, Sali Berisha. Anëtari i Këshillit Kombëtar të PD, Edvin Kulluri, thotë se Basha po kërkon negociatë për t’u larguar nga PD.

Kurse ish-deputeti Andi Përmeti thekson se Basha është i shkarkuar, i rënë, ndërsa duhet gjetur mënyra si të merret vula e kryetarit. Po ashtu ai nënvizon se Berisha do dalë fitues në këtë situatë dhe ngërçi do të jetë juridik se si do veprohet për ti marrë vulën e kryetari Basha.

”Në momentin që anëtarësia e partisë do diçka, patjetër që është sovran. Nuk mund të mbajë njeri vulën me dhunë. Kuvendi i 11 dhjetorit do dalë triumfues, ndërsa Basha në opinionin tim është i larguar nga çfarë shohim ne, dhe kjo duket qartazi për ata që e njohin PD nga brenda ndër vite. Problemi është si do veprojë Basha duke qenë se ka vulën në xhep. Si do merret kjo vulë duke pretenduar se ai nuk do e njohë këtë Kuvend duke thënë që s’është legjitim. Këtu fillon ngërçi juridik që duhet parë si do veprohet. Juristët pranë foltores po e mendojnë. Basha moralisht e kam thënë, që është i rënë. Juridikisht, si do ja marrim vulën, mbetet për tu parë”,-tha në ”Report TV”.

Analisti Basir Çollaku e sheh pozitive debatin në PD dhe thotë se kjo i shërben politikës shqiptare në tërësi, ndërsa thotë se situata në PS është akoma më keq, por qëndrojnë të bashkuar për hir të pushtetit.