Kuvend, demokratët e Alibeajt bashkojnë votat me deputetët e PS-së

Pas muajve në kaos, sot seanca plenare në Kuvend ishte shumë e qetë. Dy projektligje kanë marrë edhe votat e deputetëve demokratë, kjo të grupimit Alibeaj në PD.

Demokratët bashkuan votat me kolegët e PS-së në ndryshimet e ligjit për rolin e parlamentit në proceset integruese ku rezultati i votimit ishte 109 vota pro.

Projektligji për bletarinë mori 97 vota. Ndërsa projekt ligji për ndryshime në Kodin Rrugor u votua me 101 vota nga 84 që kërkoheshin.