Kuvendi i heq imunitetin Doshit dhe Frrokut, Mesila Doda qëndron në sallë

Kuvendi i heq imunitetin deputetëve Tom Doshi dhe Mark Frroku, duke i hapur rrugë kështu kërkesës së Prokurorisë për dhënien e autorizimit për arrestimin e dy deputetëve. Ndërkaq, në sallë nga opozita ka qënë e pranishme vetëm deputetja demokrate, Mesila Doda. "Nuk mund të largohesha nga salla e Kuvendit, pasi respektoj bindjet e mia për një Parlament më të mirë.

Nuk kisha pse të ndiqja vendimin e grupit për të lënë sallën, ku po votohej për një çështje shumë të rëndësishme", është shprehur Doda.