Kuvendi shkarkon Ramën si ministër të Jashtëm, emërohen Xhaçka e Peleshi

Kryesore Politikë E Hënë, 4 Janar 2021 17:34

Në një seancë të jashtëzakonshme, Kuvendi miratoi ndryshimet në qeveri. Kryeministri Edi Rama zyrtarisht nga sot nuk do të mbajë më postin e Ministrit për Evropën dhe Punët e Jashtme. Olta Xhaçka do të mbajë postin e Ministres së Jashtme. Ndërsa Niko Peleshi do të mbajë postin e ministrit të Mbrojtjes.

Parlamenti duhet të mblidhej më 18 janar, por kryeministri Edi Rama kërkoi seancë të jashtëzakonshme për të emëruar zyrtarisht ministrat e rinj. Votimi në seancë nuk pati surpriza. Ndërkohë që për shkak të pandemisë deputetët nuk votuan në një kohë, por në grupe të veçanta.