Lefter Maliqi “i jep” mandatin e deputetit Blenard Nonajt: LSI shkon e sigurtë drejt tre mandateve në Berat

Edhe pse fushata elektorale për zgjedhjet parlamentare të 25 prillit është futur në pikun e saj të zhvillimeve, kandidatët e Lëvizjes Socialiste për Integrim gjejnë kohë edhe për të buzëqeshur.

Një moment i tillë është publikuar sot nga kandidati i LSI-së në Qarkun e Beratit, Lefter Maliqi i cili me humor i jep kartën e deputetit kolegut të tij në këtë betejë, mjekut Blenard Nonaj.

Përmes rrjeteve sociale ku dhe publikon pamje nga këto momente, Maliqi shprehet se së bashku me Arditin, Petritin, Ilirin, 2 Esmeraldat, Aurelën, Shkëlqimin, si ekip model dhe fitues shkon drejt 3 mandateve për LSI-në në qarkun Berat.

“Ta gëzosh mandatin Blenard Nonaj! Doktorët i kam pikë të dobët, ua dhuroj me kënaqësi. Së bashku me Arditin, Petritin, Ilirin, 2 Esmeraldat, Aurelën, Shkëlqimin, si ekip model dhe fitues drejt 3 mandateve për LSI-në në qarkun Berat. Fitore”, shprehet kandidati i LSI-së për de[putet në Berat, Lefter Maliqi.