Lefter Maliqi: KÇK do të godasë opozitën, do ia dëgjoni krismën

Deputeti Lefter Maliqi shprehet se paketa “antiKÇK” u miratua për të goditur opozitarët dhe jo gjyqtarët e prokurorët e korruptuar. Nga foltorja e Kuvendit ku ka thirrur në interpelancë ministren e Drejtësisë Etilda Gjonaj, deputeti tha se do “ia dëgjoni krismën”.

“Interpelanca e parë është me ministren e Drejtësisë, minitrja është edhe drejtuese e task-forcës, drejton një nga ministritë e rëndësishme, e kemi parë me akuza ndaj ligjit KÇK, se këta e mbyllën antimafian, KÇK paska të bëjë me të dënuar, as me gjyqtarë e prokurorë, por do ia dëgjoni krismën, kësaj policie-shtet që do jetë ndaj opozitarëve dhe jo ndaj oligarkëve të tyre që po pastrojnë paratë me ndërtime në Tiranë”.