Lista e Kryemadhit, ja cilat shtresa përfaqësojnë kandidatët e LSI-së

Lëvizja Socialiste për Integrim prezantoi të hënë emrat e kandidatëve të saj për zgjedhjet parlamentare të 25 prillit. Ndërsa e quajti skuadrën fituese që do të drejtojë vendin drejt ndryshimit, Monika Kryemadhi, do t’i lexonte vetë emrat e trë gjithë kandidatëve.

Por kush janë dhe çfarë formimi kanë kandidatët e prezantuar sot nga LSI?

Konkretisht në listat e LSI-së kandidojnë për garën e 25 prillit: 9 pedagogë, 8 mësues, 28 juristë, 24 ekonomistë, 9 avoketër, 16 mjekë, 10 studentë, 10 politikanë, 2 infermierë, 10 inxhinierë, 2 kandidatë vijnë nga bota e biznesit, 5 nga shkencat sociale, 2 kandidatë janë ish-ushtarakë, 1 navigator, një me profesion menaxhim turizmi, 7 sipërmarrës, 2 përkthyes, 3 administratorë dhe 1 sportist.