LIVE/PD mbyll fushatën në Tiranë, Basha: Ndryshimi është çështje orësh

Lulzim Basha së bashku me kandidatët për deputet të PD-së, do të mbyllin këtë të premte fushatën zgjedhore dhe kanë zgjedhur sheshin ”Nënë Tereza”, aty ku një natë më parë ishte LSI-ja ajo që mbylli fushatën e saj.

Si në çdo takim që kreu Basha ka pasur në çdo cep të Shqipërisë, edhe në Tiranë skenografia është e njëjta, ku Basha qëndron mbi një makinë.

Vetë Basha ndodhet në mesin e sheshit, i rrethuar me makina të mbështetësve të tij. Mitingu nisi me himnin kombëtar dhe më pas fjalën e mori Basha. Në fjalën e tij, Lulzim Basha tha se ndryshimi është çështje orësh.