Llalla qarkore prokurorëve në rrethe: Verifikoni kandidatët për zgjedhje

Kryeprokurori Adriatik Llalla përmes një qarkoreje të brendshme i kërkon Prokurorive në rrethe të verifikojnë kandidatët e zyrtarizuar për Kryetarë të Bashkive.

Burime nga Prokuroria e Përgjithshme konfirmojnë se Llalla ka kërkuar nga vartësit e tij verifikimin e cdo të dhëne për kandidaturat dhe hartimin e raporteve, të cilat duhet të depozitohen brenda datës 21 Maj pranë Komisionit parlamentar për Dekriminalizimin.

Sipas burimeve, verifikimet do të përfshijnë të gjitha akuzat e artikuluara publikisht ndaj kandidatëve, publikimet e mediave apo informacionet që mund të sigurohen në rrugë operative nga institucionet ligjzbatuese dhe Policia e Shtetit.