LSI ankimon Vorën në KQZ

LSI ka depozituar në KQZ ankesën e saj ndaj rezultatit të zgjedhjeve në bashkinë  e Vorës. Në kërkesën e LSI thuhet se duhet të shpallet i pavlefshëm votimin në disa Qendra Votimi në këtë bashki. Përpara datës së zgjedhjeve LSI kishte denoncuar transferimin në mënyrë fiktive të të paktën 600 qytetarëve në këtë bashki me qëllim që të votonin për kandidatin e PD, Fiqiri Ismaili, ndërkohë që këtë të fundit e ka akuzuar edhe për blerje të votave me para në dorë apo me thasë mielli.  Kandidati i PD, Fiqiri Ismaili fitoi me 230 vota më tepër në krahasim me kandidatin e ASHE të propozuar nga LSI, Luan Sallaku në zgjedhjet e mbajtura më 21 qershor.