Lu, letër Halim Kosovës: Jeni shembull për politikën shqiptare!

Ambasadori i Shteteve të Bashkuara në Tiranë, Donald Lu, i ka dërguar një letër Halim Kosovës, kandidatit të APPD-së për bashkinë e Tiranës.

Në këtë letër Lu e vlerëson rolin dhe fushatën e bërë nga Kosova në këto zgjedhje si she një se politika shqiptare po piqet.

Ja cili është teksti i plotë i letrës

I dashur Dr. Kosova

Doja t’iu dërgoja këtë letër për t’iu përgëzuar për fushatën pozitive për Bashkinë e Tiranës dhe të përqendruar në problematika.

Ambasada jonë ka folur shpesh në muajt e fundit rreth politikanëve të korruptuar dhe kriminelë që janë përfshirë në blerje vote, shantazhim dhe manipulim të institucioneve demokratike.

Në kontrast me këtë, ne pamë që ju ishit personalisht i angazhuar në një proces të ndershëm dhe të hapur. Ju folët për çështje që shqetësojnë votuesit e Tiranës. Ne mendojmë se fushata juaj ishte një shenjë për qytetarët shqiptarë se sistemi i tyre politik po maturohet.

Ne të falenderojmë për përpjekjet tuaja për të përmirësuar vendin. Në veçanti, ne vlerësojmë punën tuaj të jashtëzakonshme si Ministër i Shëndetësisë. Mezi pres të bisedoj me ju për këto çështje në një të ardhmen të afërt.

Sinqerisht

Donald Lu