Lu: Qeveria të bashkëpunojë me shoqërinë civile kundër radikalizmit

Ambasadori amerikan Donald Lu nxiti shoqërinë civile të luajë një rol më aktiv për parandalimin e ekstremizmit të dhunshëm.

Në konferencën e organizuar për drejtësi dhe ndërmjetësim, diplomati amerikan këshilloi Qeverinë të bashkëpunojmë me shoqërinë civile në hartimine strategjive kundër ekstremizimit fetar.

“Shoqëria civile është çelësi për zhbllokimin e çështjes së ekstremizmit të dhunshëm si për të kuptuar përmasat e tij por dhe për të pasur parasysh sesi luftohet kundër radikalizimit të të rinjve.

Ne inkurajojmë qeverinë për të studiuar raportin e IDN-së dhe për ta përdorur atë në përgatitjen e planit të veprimit të Shqipërisë për luftën kundër ekstremizmit të dhunshëm.

Ne besojmë se puna e organizatave te shoqërisë civile mund dhe do të bëjë një ndryshim në ruajtjen e sigurisë së shoqërisë tonë.”, tha diplomati amerikan.