Luan Rama takon “mjeshtrat” e Vlorës: Sjellja rrugaçërore e taksidarëve të pushtetit po mundon biznesin

Drejtuesi politik i Lëvizjes Socialiste për Integrim për Qarkun e Vlorës, Luan Rama, ka zhvilluar këtë të hënë një takim me “mjeshtrat” e riparimit të makinave në Vlorë, ku u njoh nga afër me problematikat që ata hasin në ushtrimin e profesionit të tyre.

Përmes rrjeteve sociale, Rama thekson se në takim u diskutuan problemet që shqetësojnë qytetin dhe mungesat në infrastrukturë, sjellja shpeshherë rrugaçërore e taksidarëve të pushtetit, më dhanë mundësinë të kuptoj se ata djem të mrekullueshëm.

“Me mjeshtrat e Vlorës:

DJEM TË MREKULLUESHËM, SPECIALISTË TË ZOTË, QYTETARË TË MIRË …

Ata janë mjeshtrat e Vlorës.

Gjithë qyteti i njeh dhe i respekton si të tillë. Gjithë Vlora i do.

Me duart e tyre të arta punojnë pa u lodhur dhe gjithë pasion nëpër pikat e shërbimit të riparimit të makinave, duke dhënë shembullin më të mirë për gjithë të rinjtë se vetëm puna e ndershme dhe dashuria për familjen dhe për vendin të bën njeri të vlefshëm e të respektuar.

Takimi me ta e diskutimi me aq pasion për problemet e punës, për krijimin e standardeve europine në marrëdhëniet e punonjësit të shtetit me qytetarin, problemet që shqetësojnë qytetin dhe mungesat në infrastrukturë, sjellja shpeshherë rrugaçërore e taksidarëve të pushtetit, më dhanë mundësinë të kuptoj se ata djem të mrekullueshëm me Kledon, Zanin, Mariglenin, Landin, Edin, Filipin, Erjolin, Kreshnikun, Fatjonin e shumë të tjerë, janë jo vetëm specialistë të zotë e duarartë, por edhe qytetarë të mirë që e duan shumë Vlorën, e duan si shtëpinë e tyre”, shprehet Luan Rama.