Luçiano Boçi: Kutia e votimit është zgjidhja për PD-në

Deputeti i Partisë Demokratike, Luçiano Boçi, i vetmi nga rradhët e PD-së që theu herësin në zgjedhjet e 25 prillit, thotë se kutia e votimit është zgjidhja për partinë.

”Palët duhet t’i afrohen kutisë së votimit. Mjafton që të pranohet votimi dhe nuk ka nevojë që të ndërhyjë dikush. Vota është çelësi i artë i zgjidhjes së çdo konflikti. Kutia e votimit është zgjidhja, meqë pretendojnë edhe që janë shumica. Në një parti mund të ketë edhe zgjedhje të parakohshme dhe lidershipi e ka për detyrë që të mbajnë të bashkuar partinë”.

Për të dhuna u shkaktua nga personat brenda në seli. Boçi thekson edhe se debatet në parti nuk zgjidhen me spastrime, duke iu referuar përjashtimeve dhe pezullimeve të ditëve të fundit.

”Nga pala e anëtarëve të selisë nuk pati asnjë të plagosur apo të shtruar në spital, ndërkohë që nga pala e anëtarësisë së PD-së ishin me dhjetëra ata që pësuan dëmtime fizike, ndërsa ishin me mijëra ata që pësuan sulm me gaz. Për 48 orë u mohua blindimi i partisë, më pas u zbulua se kjo gjë kishte ndodhur. Deputetët donin të hynin në shtëpinë e tyre për të dialoguar dhe pritësi duhet të hapte derën për njerëzit, disa prej të cilëve ishin edhe miqtë e tij”,-tha për ”A2cnn”.