Lufta me flakët, Sindikata: Zjarrfikësit pa këpucë dhe veshjet e duhura

Në Shqipëri shuarja e flakëve masive të zjarrit po bëhen edhe me mjete primitive, siç janë lopatat. Në këtë luftë janë angazhuar zjarrëfikësit që sipas Sindikatës, janë pa këpucë dhe veshjet e duhura.

Shuarja e zjarreve me lopata dhe degë peme, sipas kryesindikalistit nuk është një metodë tradicionale, por primitive. Shërbimi zjarrfikës po përjeton vështirësi të mëdha edhe në mjete për të dhënë ndihmën e duhur ndaj çdo fatkeqësie.

Më herët, zjarrfikësit hasën problem edhe me mungesën e pagesave për orët shtesë si dhe dietat ditore. Për një sektor të tillë të rëndësishëm, Bajrami thotë se duhet të zbatohen të drejtat e hartuara me ligji, pasi nuk mund të vijohet me dhënie lëmoshe sa herë që ngrihen ankesa.