Lulzim Basha nga Kruja: PS-ja ju zgjodhi si kandidat “mister kokainën”

E teksa PS-ja zyrtarizoi sot disa nga kandidatët e majtë në bashkitë e vendit, Kryetari i PD-së Lulzim Basha, nga Kruja ku ishte në një takim me qytetarë të kësaj zone, akuzoi si të lidhur me trafikun e kokainës kandidatin e PS-së për bashkinë e Krujës Artur Bushi. Basha tha në takim me banorë të këtij qyteti se “Sapo zgjodhën kandidat për kryetarë bashkie, mister kokainën”.  Me herët, kryetari i Partisë Demokratike, Lulzim Basha, ka deklaruar nga qyteti i Krujës se qytetarët vuajnë për bukën e gojës dhe sipërmarrja është në kufijtë e mbijetesës.  Kryetari i PD-së, Basha, në një status të tij ne Facebook, konfirmon sot vizitën në qytetin e Krujës ku ka zhvilluar një takim me qytetarët për t’i pyetur nga afër për problematikat që kanë, ku sipas tij, gjendja është mjaft e vështirë dhe se qeveria i ka lënë të braktisur në mëshirë të fatit. – “Me qytetarët e Krujës, ku halli ka shkuar ku nuk mban më, qytetarët vuajnë për bukën e gojës dhe sipërmarrja është në kufijtë e mbijetesës”, shkruante Basha, duke e shoqëruar postimin e tij mbi vizitën në Krujë me disa foto, pjesë e aktivitetit atje.