Lulzim Basha: Respektoj Z.Pandeli Majko për kontributin në vite!

Kryetari i Partisë demokratike Lulzim Basha zhvilloi një takim me deputetin socialist, Pandeli Majko.

Pas takimit në Hotel Rogner, Lulzim Basha deklaroi se takimi me Pandeli Majkon u zhvillua në kuadër të Asamblesë së NATO-s që do të mbahet në Tiranë. “Respektoj z.Majko për kontributin e tij ndër vite dhe shpresoj që komunikimi politik normal mos të përbëjë lajm në Shqipëri. Tema kryesore e diskutimit ishte Asamblea e NATO”, tha kryedemokrati Basha pas takimit. Në fund të muajit Prill në Tiranë zhvillohet për herë të parë Asamblea e NATO-s, ku do të marrin pjesë zyrtarë të lartë së aleancës ushtarake.