Mali i Zi anëtar i NATO-s, Rama: Lajm i shkëlqyer

Kryeministri Edi Rama përshëndeti ftesën e NATO-s për anëtarësim drejtuar Malit të Zi, vendim i cili u mor në Bruksel në Ministerialin e vendeve anëtare të Aleancës.

Në faqen e tij në rrjetin social “Facebook”, Rama, pasi uron Malin e Zi për këtë arritje, shprehet krenar për mbështetjen e vazhdueshme që Shqipëria i ka dhënë shtetit fqinj në këtë proces.

“Një lajm i shkëlqyer, ftesa e Malit të Zi për anëtarësim në NATO. Ne jemi krenarë për mbështetjen që gjithmonë i kemi dhënë fqinjëve dhe miqve tanë të mirë në këtë proces”, shkruan Rama.