Manastirliu: Veç një rast me Covid-19 në 24 orë dhe 3 të shtruar në spital

Politikë E Hënë, 21 Qershor 2021 17:10

Ministrja e Shëndetësisë, Ogerta Manastirliu, ka bërë të ditur se në 24 orët e fundit vetëm një person ka rezultuar pozitiv me koronavirus, nga 1542 testime të kryera. Në 24 orët e fundit ka ndërruar jetë edhe një person i prekur me koronavirus, ndërsa 11 persona janë shëruar. Aktualisht janë 107 pacientë aktivë me Covid-19 në vend. Po marrin trajtim spitalor të specializuar 3 pacientë, nga të cilët 2 pacientë janë në terapi intensive.

Raporti i Ministrisë së Shëndetësisë

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikëri rregullat për parandalimin e Covid-19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127.

Situata e Covid-19 në 24 orët e fundit është si vijon: Janë kryer 1542 testime, nga të cilat ka rezultuar pozitivë 1 qytetar nga Shkodra. Aktualisht janë 107 pacientë aktivë me Covid-19 në vend. Po marrin trajtim spitalor të specializuar 3 pacientë, nga të cilët 2 pacientë janë në terapi intensive.

Me gjithë përpjekjet e stafit mjekësor betejën me Covid-19 nuk e ka fituar 1 qytetar, 83 vjeç nga Tepelena. Ministria e Shëndetësisë dhe Mbrojtjes Sociale i shpreh ngushëllimet familjes. Në 24 orët e fundit janë shëruar 11 qytetarë, duke e çuar numrin e të shëruarve në 129,929 që nga fillimi i epidemisë.

Statistika (21 Qershor 2021)

Raste të reja ditore 1
Të shëruar në 24 orë 11
Të shtruar në spitale 3
Humbje jete në 24 orë 1
Testime ditore 1542
Testime totale 777, 492
Raste pozitive 132,491
Raste të shëruara 129,929
Raste aktive 107
Humbje jete 2,455