Mandate politike për të inkriminuarit, Vasili: Rama rri ende në karrigen qeveritare

Partia Demokratike publikoi këtë të hënë dokumentet e autoriteteve të Greqisë, ku rezulton se Agim Kajmaku, kryebashkiak i Vorës, ka çështje penale të hapur. Lidhur me këtë çështje, Nënkryetari i LSI-së, Petrit Vasili, shkruan se kryeministri Edi Rama, ende vijon të qëndrojë në karrigen qeveritare. Sipas Vasilit, çdo ditë e më shumë po dalin dosjet kriminale të kandidatëve të PS-së për votimet njëpartiake të 30 qershorit.

Postimi i plotë

Dalin horrat njëri pas tjetrit që vetë ky u ka dhënë mandate politike nga veriu në jug dhe ky vazhdon e rri në karrige.

Do mbahet mend gjatë ky kryeministër, si me i shplari, me pa amor prop thjesht një lengaraq që i jargavitet këmbëve të karriges së pushtetit.

I përbuzur dhe i poshtëruar ky është fundi i tij, sigurisht më i neveritshimi i të gjithë fundeve.