Maratona Enkelana në Pogradec, Rama poston fotot: 700 vrapues nga 38 shtete të botës

Në qytetin e Pogradecit u mbyll me sukses edicioni i III-të i “Marathon Enkelana”, me pjesëmarrjen e rreth 700 garuesve. Kryeministri Edi Rama ka postuar foto nga kjo garë, e cila këtë vit kishte dy disiplina; 21.195 m Lin-Pogradec dhe 11.500 m Pogradec-Tushemisht-Pogradec.

”Maratona Enkelana në Pogradec, ku 700 vrapues nga 38 shtete të botës garuan mes tyre”, shkruan Rama. Në këtë garë kishte pjesëmarrës nga Kanadaja, Amerika, Afrika e Jgut, Gjermania, Turqia , Kroacia, Maqedonia e Veriut etj.

Fitues i garës 21.195 m ishte nga Ukraina, i cili udhëtoi nga ky shtet për të marrë pjesë në garë. “Është hera e parë ime këtu dhe ishte eksperiencë shumë e bukur pasi nuk isht edhe shumë nexhetë. Rruga nuk ishte edhe shumë e vështirë për mua. Fitoren sot ia kushtoj vendit tim, Ukrainës”, tha ai në një prononcim për mediet pas fitimit të garës.