Mark Frroku dorëhiqet edhe nga kryetar i Partisë Kristian Demokrate

Ish-deputeti Mark Frroku, ka dhënë dorëheqjen nga posti i kreut të Partisë Kristian Demokrate.

Lajmi bëhet me dije përmes një njoftimi nga Dhimitër Muslia, avokat i Mark Frrokut. Kjo dorëheqje e Frrokut vjen rreth një muaj pasi ai hoqi dorë nga mandati i deputetit.

Më 26 nëntor ish-deputeti i Shkodrës, i dërgoi një letër Kuvendit të Shqipërisë, ku shpjegonte arsyet e lënies së mandatit.

Mark Frroku ndodhet në qeli prej disa muajsh. Ai është në tre procese gjyqësore të ndryshme.

Së pari, akuzohet për kallëzim të rremë në dosjen “Doshi”, akuzohet për një vrasje në Belgjikë dhe për fshehje të pasurisë.