Martin Henze-Ambasadores Yuri Kim: Pse qeveria Rama nuk hetohet për manipulim të zgjedhjeve?

”Mesazhi i të Shteteve të Bashkuara: Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen plotësisht. Asnjë trajtim i veçantë. Pa përjashtime. Askush nuk është mbi ligjin”, shkruan ambasadorja e SHBA-së në Tiranë, Yuri Kim.

Ky qëndrim ka nxitur një reagim edhe nga këshilltari gjerman pranë CDU-së, Martin Henze, i cili i është përgjigjur ambasadores me pyetjen pse asnjë anëtar i qeverisë, përfshirë edhe Edi Ramën nuk janë akuzuar për manipulimin e zgjedheve të 2017. Sipas tij, Uashingtoni duhet të reagojë.

”Ambasadore, për çfarë po flisni, pse anëtarët e lartë të partisë në pushtet, duke përfshirë edhe Ramën nuk janë akuzuar për manipulimin e zgjedhjeve parlamentare 2017? Përshtypja është se ata flasin shumë por nuk veprojnë, Uashingtoni duhet të reagojë”,-shkruan Henze në Twitter.

Ambassador, what are you talking about, why have the senior members of Rama's ruling party including Rama ,not been charged for rigging the 2017 parliamentary election? The impression is that they talk a lot but do not act, Washington should react.

— Martin Henze (@GSKStrategy) April 22, 2021