Masakra e Reçakut/ Begaj: Kjo kujtesë është motiv i fortë për të mbrojtur paqen nga çdo makineri dhune

Kjo e hënë shënon 25 vjet që nga Masakra e Reçakut, ku forcat serbe vranë barbarisht 45 civilë shqiptarë.

Këtë ngjarje makabre e ka kujtuar dhe Presidenti Bajram Begaj, i cili përmes një postimi në “Facebook” shkruan se 15 Janari i 1999-ës zgjoi botën për reflektim ndaj masakrave barbare që kryheshin në Kosovë.

Më tej, ai thotë se kjo kujtesë sot është motiv i fortë për të mbrojtur paqen, sigurinë, lirinë e dinjitetin njerëzor nga çdo makineri dhune që ushqehet nga racizmi, ekspansioni dhe armiqësi ndaj tjetrit.

“Sot një çerekshekulli nga masakra e Reçakut, të lutemi për shpirtin e civilëve të pafajshëm, viktima të genocidit dhe të krimeve kundër njërëzimit të kryera nga regjimi i Sllobodan Millosheviç në Kosovë.

15 Janari 1999, zgjoi botën për reflektim ndaj masakrave barbare që kryheshin në Kosovë.

Kjo kujtesë sot është motiv i fortë për të mbrojtur paqen, sigurinë, lirinë e dinjitetin njerëzor nga çdo makineri dhune që ushqehet nga racizmi, ekspansioni dhe armiqësi ndaj tjetrit”, shkruan Presidenti Begaj.