Masakra e Srebenicës, Basha: PD rezolutë në Kuvend për të dënuar edhe genocidin serb në Kosovë

Kryetari i PD-së, Lulzim Basha ka kujtuar masakrën e Srebenicës, pasi sot bëhen 26 vite kur mbi 8 mijë burra e djem u vranë.

Përmes një postimi në Twitter, kreu i selisë blu shprehet se ky akt gjenocidi duhet dënuar nga e gjithë bota. Po ashtu Basha thekson se PD-ja do të paraqesë në Kuvend një rezolutë për të dënuar genocidin serb në Kosovë.

“Masakra e Srebenicës është një akt genocidal i cili duhet të njihet dhe të dënohet si i tillë nga bota e civilizuar. Shqipëria duhet të ketë kurajon dhe pavarësinë për ta dënuar atë dhe genocidin serb në Kosovë, mbi të cilin Partia Demokratike e Shqipërisë do të paraqesë në Kuvend një rezolutë”, shkruan Basha.