Masat antiCovid, Manastirliu: Mbyllen diskot e klubet e natës, pezullim aktiviteti kush thyen masat

Ministrja e Shendetsisë, Ogerta Manastirliu në fjalën e saj nga salla e Kuvendit sot deklaroi se ndryshimet që pritet të miratohen në Aktin Normativ për të mbyllur klubet dhe lokalet e natës vijnë në vazhdën e masave të ndërmarra për të frenuar përhapjen e virusit.

“Detyrimi tani çon deri në pezullim aktiviteti 1 vjeëar kur këto subjekte nuk i binden asnjë ligji. Masat që po marrim, akti normativ, qoftë akti normativ që miratuam të enjten e shkuar për maska të detyrueshme në ambiente të mbyllura vendosen jo për të vënë gjoba, por për të parandaluar përhapjen e Covid 19”, shprehet Ministrja.

Ministrja Manastirliu shton: Ndryshimet dhe shtesat në aktin normativ sa i përket periudhës së pandemisë vijnë pasi duam të vendosim detyrimin për diskot, klubet e natës që kanë pasur detyrim që në krye të herës që të mos hapen. Është vënë re që jo të gjithë e kanë zbatuar urdhrin, duke u kthyer në vatra infeksioni. Detyrimi tani çon deri në pezullim aktiviteti 1 vjeçar kur këto subjekte nuk i binden asnjë ligji. Masat që po marrim, akti normativ, qoftë akti normativ që miratuam të enjten e shkuar për maska të detyrueshme në ambiente të mbyllura vendosen jo për të vënë gjoba, por për të parandaluar përhapjen e Covid 19″- theksoi ministrja.

Në të vertetë ministria e shendetsisë po lajmëron e kontrollon, por shumë biznese nuk marrin vesh, ndaj duhen masat shtrënguese dhe administrative.