Maturantët shqetësime për testin e biologjisë, Ministrja Evis Kushi: Po e rishikojmë provimin
Ministrja e Arsimit, Evis Kushi i është përgjigjur shqetësimit nga ana e maturantëve për provimin e biologjisë, të cilët ata e kanë sot. Teksa thotë se testi do të rishikohet, thekson edhe ”Për çdo rast, ju sigurojmë që do të marrim të gjitha masat e nevojshme që ju të vlerësoheni sipas meritës dhe nivelit të arritjeve”.
Postimi i plotë
Të dashur maturantë, i kam marrë të gjitha mesazhet tuaja dhe i kam ndjekur me vëmendje shqetësimet në lidhje me testin e biologjisë. Më poshtë gjeni linkun me skemën e vlerësimit të publikuar nga QSHA dhe ndërkohë po konsultohemi me mësues dhe ekspertë të fushës për të vlerësuar cilësinë e testit. Për çdo rast, ju sigurojmë që do të marrim të gjitha masat e nevojshme që ju të vlerësoheni sipas meritës dhe nivelit të arritjeve. Suksese!
