Mazhoranca rrëzon dekretin e Presidentit Meta për privatizimet

Komisioni i Ekonomisë dhe Financave me votat e mazhorancës ka rrëzuar një nga dekretet e Presidentit, atë për privatizimin dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve të veçanta, mjeteve kryesore dhe mjeteve të xhiros së këtyre ndërmarrjeve”.

Deputetja e PS Evis Kushi tha se argumentet e Presidentit janë të pa argumentuara, duke propozuar që ky dekret të mos miratohej.

Ndërkohë po diskutohen edhe 3 dekretet e tjera të presidentit.

Ligji për disa ndryshime dhe shtesa në ligjin “Për koncesionet dhe partneritetin publik privat”.

Po ashtu Komisioni i Ekonomisë po shqyrton edhe ligjin për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat.

Ligji tjetër është “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, shoqërisë “ANK”, sh.p.k., si koncesionari, dhe shoqërisë “Bardh konstruksion”, sh.p.k., si shoqëria koncesionare, për projektimin, ndërtimin dhe mirëmbajtjen e segmentit rrugor Milot – Balldren”.