Mblidhet grupi parlamentar. Rama: Për herë të parë, PS mund ta zgjedhë e vetme presidentin

Mblidhet grupi parlamentar i Partisë Socialiste për nisjen e procesit të zgjedhjes së presidentit të ri të Republikës.

Në mbledhjen e sotme të Grupit Parlamentar, çdo deputet do të ketë mundësinë të dorëzojë jo më shumë se tre emra për presidentin e ri.

Në fjalën e tij, kreu i Partisë Socialiste, kryeministri Edi Rama ka thënë se PS ka përgjegjësinë e madhe të përzgjedhjes së kandidatit të duhur për presidentin e ri.

Shefi i qeverisë tha se për herë të parë, PS ka mundesinë dhe votat ta zgjedhë vetë presidentin apo presidenten e re.

“Duhet të zgjedhim një figurë për të luajtur në 5 vitet e ardhshme rolin e kreut të shtetit që të rrezatojë normalitet, të ketë integritet, garantojë respekt të ndërsjellë mes institucionit të Presidentit dhe aleatëve tanë strategjikë, partnerëve tanë, miqve të Shqipërisë”, tha Rama.