Njeriu i Ditës në kryeqytet/Erion Veliaj fitues me një rezultat të thellë kundrejt njeriut të dyshes Berisha-Meta

Në bashkinë e Tiranës ka përfunduar gjithçka, pasi Erion Veliaj është shpallur fitues i zgjedhjeve vendore kundrejt kandidatëve të tjerë. Tashmë votat e kutisë së fundit të numëruara, pritet të pasqyrohen nga KQZ. Porse formalisht u mbyll gjithçka në favor të Erion Veliajt, i cili mori mbi 58 mijë vota me shumë se sa kandidati i koalicionit të dyshes Berisha-Meta.

Erjon Veliaj është fitues me një rezultat të thellë, me 54,69 përqind të votave.

Belind Këlliçi i “Bashkë Fitojmë” ka marrë 34,58 përqind, i ndjekur nga Arlind Qori me 4,77 përqind, Roland Bejko me 4,27 përqind, Marko Dajti me 0,97 përqind dhe Lajla Përnaska me 0,73 përqind.

Erion Veliaj ka mandatin e tij të tretë si kryebashkiak në Tiranë. Ai bëri një fushatë të qetë, sepse siç deklaroi kryeministri Rama, për Veliajn flasin punët në kryeqytet.