Mbyllet votimit për kreun e FRESSH

Pas përfundimit të procesit të sotëm të zgjedhjeve për kryetarin e ri të FRESSH-it, statistikat tregojnë një pjesëmarrje votuesish prej 65%.

Sipas Zyrës së Shtypit në PS, “në tërësinë e tij, procesi vijoi i qetë dhe pa probleme. Qendrat e votimit ishin të hapura prej orës 07:00 e deri në 19:00. Vlen për tu theksuar fakti, se pati një fluks votuesish edhe nga zonat rurale”.

Pas orës 19:00, me mbylljen e procesit të votimit në të 207 qendrat në gjithë vendin, ka nisur procesi i numërimit të votave dhe deri në mesnatë pritet nxjerrja e rezultateve.

Në 61 bashkitë po vijon procesi i numërimit, ku janë të pranishëm edhe vëzhgues të kandidatëve me qëllim që procesi të jetë sa më transparent. KQZ është duke punuar në mënyrë të vazhdueshme e në kohë reale për nxjerrjen e rezultateve të marra nga Qendrat e Votimit. Rezultatet do të publikohen në vijueshmëri në faqen zyrtare të FRESSH në facebook.